ابڙو اڪيڊمي Abro Academy
2020-07-19
داخلا نمبر 561
عنوان پوربي رڻ- توتي
شاخ پکي
پڙهيو ويو 494
داخلا جو حوالو:
پوربي رڻ- توتي
هي توتي پکي جسم ۾ 14-15 سينٽي ميٽر ٿئي ٿو. ان جي چهنب ٿلهي ۽ نارنگي رنگ جي ٿئي ٿي. سِسي ، پُٺي، ڇاتي ۽ پيٽ جو رنگ گلابي بادامي هوندو اٿس. ماديءَ جو رنگ هڪ ڪرو وارياسو ناسي هوندو آهي پر ان جي کنڀن ۾ ڪانڊار نه ٿيندي آهي ۽ چهنب هيڊي هوندي اٿس، ٻچو مادي جهڙو هوندو آهي. رڻ _ توتي جي ٻوليءَ جا ٻه ٽي نمونا آهن: ڪنهن وقت ”چِي‟ يا”چِٽ“ ڪندو ته ڪڏھن اڏامڻ مهل هلڪو ”وِي چِپ“ ڪندو ۽ ڳائڻ مهل ”چِي ....ي....ي.....ي“ جي يڪي سينڍ جو آواز وڌندو ويندو ۽ پوءِ اوچتو کڙڪي سان بند ٿي ويندو آهي. ھي پکي جوڙن ۾ يا ننڍين ٽولين ۾ مند جي حساب سان رهي ٿو. اپريل کان جُون تائين ٻچا ڪري ٿو. پٿرن ۾ اندر يا پراڻن گهرن ۾ ٻوٽن جي ٿڙن ۽ گاهه سان آکيرو ٺاهي ٿو. هي پکي ماحول : 6 سان تعلق رکي ٿو.